Izithakazelo
Nzimande | Izithakazelo
Izithakazelo zakwa-Nzimande
Mphephetwa,
Mdluli,
Ngwekazi, Gwala,
Mancama ngesinkw'esikhulu,
Wena owasukel'isigodo simuka nomfula uth'inyama,
Manda kulandulwa,
Vilakazi,
Xam'odla ngomsingizane,
Mhlandla!
Nyembe | Izithakazelo
Izithakazelo zakwa-Nyembe
Ncamane,
Skhandisa samakhosi,
Thwala lomzimkhulu,
Mnyamande,
Mkhont'oduma njengezulu,
Ithala lomkhonto lisemaNyamandeni,
Nhlangothi zimanxebanxeba,
Wena kaMlamulankunzi ungaziyeki zibulalane,
Wena kaSiwela owawela umfula ngesilulu,
Mnyango kawuvalwa, uvalwa ngamakhand'amadoda,
Ntshivakazi engenampondo,
Bhijela wamaMbane,
Sakade kaGemane,
Gemane kaSiwela,
Nzilagazi!
Newer Posts
Older Posts
Home
Subscribe to:
Posts (Atom)